सांसदले पत्रिका पढ्न थालेपछि सभामुखले नपढ्न रुलिङ गरे

काठमाडौँ। प्रतिनिधिसभाको बैठकमा सांसदले पत्रिका पढ्न थालेपछि सभामुख देवराज घिमिरेले पत्रिका नपढ्न रुलिङ गरेका छन्। आइतबारको बैठकमा सभामुख घिमिरेले रुलिङ गरेका हुन्।

मन्त्रालयगत छलफल भइरहेको बेला एक सांसदले पत्रिका पढेपछि सभामुख घिमिरेले ध्यानकर्षण गराएका हुन्। सभामुख घिमिरेले बोल्दै गरेका गृहमन्त्री श्रेठलाई रोक्दै भने, ‘प्रतिनिधि सभा नियमावलीको नियम २० को खण्ड ‘ञ’ को व्यवस्थाप्रति ध्यानाकर्षण गराउँदै प्रतिनिधिसभाको बैठकमा पत्रिका पढ्ने काम नगर्न आग्रह गर्दछु।’

यद्यपी, सभामुखले कुन सांसदले पत्रिका पढेको भन्ने बारेमा भने खुलाएनन्।