नक्कली शरणार्थी प्रकरणको अनुसन्धानलाई निष्पक्षतवरबाट टुङ्गोमा पुर्‍याउनुपर्छः गगन थापा

काठमाडौँ। नेपाली कांग्रेसका सांसद् गगन थापाले नक्कली भुटानी शरणार्थी प्रकरणको अनुसन्धानलाई निष्पक्षतवरबाट टुङ्गोमा पुर्‍यानुपर्ने बताएका छन्। बुधबार प्रतिनिधिसभामा सरकारको नीति तथा कार्यक्रममाथि छलफलमा भाग लिँदै सांसद् थापाले भुटानी शरणार्थी प्रकरणमा दोषी कोही पनि छुट्न नहुने बताएका हुन्।

‘राज्यविरुद्धको अपराधमा निष्पक्ष छानविन हुनुपर्छ। चाहे त्यो घरको मान्छे होस् चाहे बार्दलीको मान्छे होस्,’ थापाले भने, ‘चाहे त्यो नेता होस् चाहे त्यो नातेदार होस्। एक जना पनि मान्छे छुट्नु हुँदैन। दूधको दूध पानीको पानी छुट्याउनुपर्छ। नेपाली नागरिकले चाहेको कुरा यही हो।’

एकपछि अर्को गर्दै सबै तानिँदै जाने अवस्था आउनुले लाज पनि लजाएको बताए।