प्रतिनिधिसभा बैठक भोलिसम्मका लागि स्थगित

काठमाडौँ। प्रतिनिधिसभाको बैठक भोलिसम्मका लागि स्थगित भएको छ। संघीय संसद् सचिवालयका महासचिव डा. भरत गौतमले सूचना टाँस गरेर बैठक असार २५ गते ३ बजेका लागि सारिएको जानकारी दिए।

गत साता प्रधानमन्त्री प्रचण्डले दिएको अभिव्यक्तिको कारण प्रमुख प्रतिपक्षी दल नेकपा एमालेले बैठक अवरोध गरिरहेको छ। सोही अवरोध खुलाउन आज प्रधानमन्त्री प्रचण्ड, नेपाली कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच छलफल भएको थियो। आजको बैठकमा प्रधानमन्त्री बोल्ने र बैठक चलाउने सहमति तीन नेताबीच भएको छ।

आज दिउँसो १ बजेका लागि बोलाइएको बैठक प्रधानमन्त्री पुष्पकमल दाहाल प्रचण्डको आग्रहमा सभामुख देवराज घिमिरेले ३ बजेसम्मका लागि सारेका थिए। यद्यपी, अन्तिम समयमा आएर बैठक सारिएको हो।