काठमाडौँ । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले प्रधानमन्त्री पुष्प कमल दाहाल प्रचण्डको राजीनामाको माग गरेका छन् ।
सोमबार प्रतिनिधिसभामा समय लिएर बोल्दै उनले प्रधानमन्त्रीमा नैतिकता भए राजीनामा दिनुपर्ने माग गरेका हुन् ।
उनले भने,‘तपाईंमा नैतिकता भन्ने चिज अलिकति भए राजीनामा दिनुपर्छ।’
उनले घरीघरी ३ दल, ३ नेता बसेर सबै राजनीतिक विषयमा निर्णय गरे आफुहरुका लागि मान्य नहुने समेत बताए ।
उनले आफुहरु कोही कसैको निर्णयको भारी बोकेर हिँड्न तयार नभएको समेत उल्लेख गरे ।
उनले भने,‘घरीघरी ३ दल, ३ नेता बसेर सबै राजनीतिक विषयमा निर्णय गरे हाम्रा लागि मान्य हुन्न । कोही कसैको निर्णयको भारी बोकेर हिँड्न तयार छैन ।’
