लम्पी स्किनबारे सरकार उदासिन देखियोः पदम गिरी

काठमाडौँ। नेकपा एमाले सांसद पदम गिरीले लम्पी स्किन रोग रोकथाम तथा नियन्त्रणका लागि पशु स्वास्थ्यकर्मी परिचालन गर्न माग गरेका छन्। शुक्रबार प्रतिनिधिसभा बैठकमा बोल्दै सांसद गिरीले लम्पी स्किनबाट किसानले पालेका पशुचौपाय धमाधम मर्न थालेको भन्दै यथासिघ्र पशु स्वास्थ्यकर्मी परिचालन गर्न सरकारसँग माग गरेका हुन्।

सांसद गिरीले पशुचौपायमा फैलिरहेको रोगप्रति सरकार उदासिन भएको आरोप लगाए। ‘किसानहरू आहालमा डुबेर बसिरहेका छन्। पीडाले रोइरहेका छन्। उनीहरूले कतैबाट सहयोग पाएका छैनन्। यस्तो संवेदनशीन विषयमा सरकार उदासिन देखियो।’

उनले ४ महिनाको अवधिमा ८ लाख पशुचौपायहरू संक्रमित भएको र २७ हजार चौपायहरू मरिसक्दा पनि सरकारले रोकथामको पहल नगरेको बताए।

सरकारको उदासिनताका कारण किसानले ठूलो क्षति व्यहोर्नु परेको उनको भनाइ छ।