कोलम्बियाद्वारा कोरिया पराजित

एजेन्सी । फिफा महिला विश्वकप अन्तर्गत कोलम्बियाले जित निकालेको छ । मंगलबार अष्ट्रेलियाको एलियान्ज स्टेडियममा सम्पन्न समूह चरणको खेलमा कोलम्बियाले दक्षिण कोरियालाई २–० गोलले पराजित गरेको हो ।

कोलम्बियालाई जित दिलाउन खेलको ३० औं मिनेटमा क्याटालिना उस्मेले तथा ३९ औं मिनेटमा लिन्डा काइसेडोले गोल गरिन् । क्याटालिनाले पेनाल्टीमार्फत गोल गरेकी हुन् ।

जितसँगै समूह एच मा रहेको कोलम्बियाले महत्वपूर्ण तीन अंक जोडेको छ । यता कोरियाले भने हारबाट विश्वकपको सुरुवात गरेको छ ।