युभेन्ट्ससँग रियलको हार

एजेन्सी । मैत्रीपूर्ण फुटबलमा स्पेनिस क्लब रियल मड्रिडले हार ब्यहोरेको छ । नेपाली समयानुसार बिहिबार बिहान सम्पन्न खेलमा रियल इटालीयन क्लब युभेन्ट्ससँग ३–१ गोलले पराजित भएको हो ।

अमेरिकाको क्याम्पिङ वल्र्ड स्टेडियममा खेलको पहिलो मिनेटमा नै मोइस कीनले गोल गर्दै युभेन्ट्सलाई सुरुवाती अग्रता दिलाएका थिए । २० औं मिनेटमा टिमोथी विहले गोल गर्दै युभेन्ट्सको अग्रता दोब्बर पारे ।

३८ औं मिनेटमा भिनिसियस जुनियरले गोल गर्दै रियललाई १–२ को स्थितीमा ल्याउँदै खेलमा फर्काउन खोजे । यता, खेलको इन्जुरी समयमा ढुसान भ्लाहोभिचले गोल गर्दै युभेन्ट्सलाई ३–१ को जित दिलाए ।