ग्लोबल स्टार बन्न साउदी आएँः नेयमार

काठमाडौँ। ब्राजिलियन खेलाडी नेयमारले ग्लोबल स्टार बन्ने चाहनाका साथ साउदी अरबको क्लबमा आबद्ध भएको बताएका छन्।

पेरिस सेन्ट जर्मन (पीएसजी)का पूर्व स्टार ३१ वर्षीय नेयमार २ वर्षका लागि ९० मिलियन युरो र थप एड अनमा साउदी क्लब अल हिलालमा आबद्ध भएका हुन्।

‘मैले युरोपमा धेरै उपलब्धिसँगै विशेष समयको आनन्द लिइसकेको छु। तर, म सधैं विश्वव्यापी खेलाडी बन्न चाहन्छु र नयाँ ठाउँहरूमा नयाँ चुनौती र अवसरहरूसँग आफूलाई परीक्षण गर्न चाहन्छु।’ नेयमारले भने।

उनले आफूले खेलकुदको नयाँ इतिहास लेख्न चाहेको र साउदी प्रो लिगमा यतिबेला ठूलो ऊर्जा र गुणस्तरीय खेलाडीहरू रहेको बताएका हुन्।