यूईएफए वर्ष खेलाडीको मनोनयनमा मेसी, डि ब्रुएना र हालाण्ड

एजेन्सी । यूईएफएले प्लेयर अफ दी इयरको मनोनयन सार्वजनिक गरेको छ । यूइएफएले २०२२र२३ मा युरोपियन प्रतियोगितामा गरेको प्रदर्शनका आधारमा मनोनयन सार्वजनिक गरेको हो ।

म्यानचेस्टर सिटीका एर्लिङ हालाण्ड र केभिन डी ब्रुएना तथा पेरिस सेन्ट जर्मेन (पिएसजी)बाट इन्टर मियामी गएका लियोनल मेसी यूईएफए सर्वोत्कृष्ट खेलाडीको अवार्डको छनोटमा परेका छन् ।

खेलाडीलाई प्रतियोगितामा सहभागी, क्लबका प्रशिक्षक, यूईएफएका सदस्य देशका प्रशिक्षक र युरोपियन खेल पत्रकारहरूले गरेको मतदानका आधारमा तीन खेलाडीको नाम सार्वजनिक गरिएको हो ।

आगामी अगस्ट ३१ मा हुने च्याम्पियन्स लिगको समूह चरणको ड्र समारोहमा अन्तिम तीनबाट उत्कृष्ट खेलाडीले वर्षको उत्कृष्ट खेलाडीको अवार्ड पाउनेछन् ।