एसिया कपका लागि नेपाली टिम पाकिस्तान पुग्यो

काठमाडौँ। नेपाली राष्ट्रिय क्रिकेट टिम पाकिस्तान पुगेको छ। पाकिस्तान र श्रीलंकमा आयोजना हुने तालिका रहेको प्रतियोगिताका लागि नेपाली टिम बुधबार पाकिस्तान पुगेको हो।

नेपाली क्रिकेट टिमलाई स्वागत गर्दै पाकिस्तानी क्रिकेट बोर्ड (पीसीबी)ले सामाजिक सञ्जालमा एक पोस्ट गर्दै नेपाली टिमलाई स्वागत गरेको छ। ‘पाकिस्तानमा स्वागत छ। नेपाली क्रिकेट टिम एसिया कप–२०२३ मा सहभागितका लागि कराची आइपुगेको छ,’ बोर्डले सामाजिक संजालमा लेखेको छ।

खेल अगस्ट ३० देखि सुरु हुनेछ। नेपालले प्रतियोगिताको उद्घाटन खेलमै पाकिस्तानसँग खेल्ने तालिका छ। अगस्ट ३० मा हुने यो खेल पाकिस्तानको मुल्तानमा हुनेछ। यस्तै, नेपालले दोस्रो खेल सेप्टेम्बर ४ मा भारतविरुद्ध श्रीलंकामा खेल्नेछ।