रियलको संघर्षपूर्ण जित

एजेन्सी । स्पेनिस लिग ला लिगा अन्तर्गत रियल मड्रिडले संघर्षपूर्ण जित निकालेको छ ।

गएराति भएको खेलमा रियलले सेल्टा भिगोलाई १–० गोलले पराजित गरेको हो । रियललाई जित दिलाउन एकमात्र निर्णायक गोल जुड बेलिङहमले गरे ।

उनले खेलको ८१ औं मिनेटमा गोल गरेका हुन् । उनको यो रियलका लागि ३ खेलमा चौंथो गोल हो ।

योसँगै लगातार तेस्रो जित निकालेको रियल ३ खेलबाट ९ अंकका साथ तालिकाको शीर्षस्थानमा रहेको छ । सेल्टा भिगो समान खेलबाट १ अंकका साथ तालिकाको १६ औं स्थानमा छ ।