आर्सनलद्वारा म्यानचेस्टर युनाइटेड पराजित

एजेन्सी । गएराति भएको प्रिमियर लिगमा आर्सनलले म्यानचेस्टर युनाइटेडलाई ३-१ गोलले पराजित गर्न सफल भएको छ । आर्सनलको घरेलु मैदानमा भएको खेलमा अग्रता भने म्यानचेस्टर युनाइटेडले लिएको थियो ।

म्यानुका लागि मार्कस रासफोर्डले खेलको २७ औँ मिनेटमा गोल गरे । तर, लगत्तै आर्सनलका ओडिगार्डले बराबरी गोल फर्र्काए । दोस्रो हाफको थप समयमा म्यानुले आर्सनललाई रोक्न सकेन ।

आर्सनलका लागि डिक्लान राइसले गोल गर्दै आर्सनललाई अग्रता दिलाए । खेलको अन्तिम समयमा आर्सनलका लागि ग्राबियल जेससले गोल गरे । यो जितसँगै आर्सनलले चार खेलबाट १० अंक जोडेको छ ।

आर्सनल लिगको पाँचौँ स्थानमा रहेको छ । म्यानु ६ अंकका साथ लिगको १० औँ स्थानमा रहेको छ ।