महिला विश्वकप छनोटमा कतारलाई हराउँदै नेपाल सेमिफाइनलमा

काठमाडौँ। आईसीसी महिला टी– २० विश्वकप एसिया क्षेत्रको छनोटमा नेपालले लगातार चौथो जित निकालेको छ।

मलेसियामा सोमबार भएका खेलमा कतारलाई ९ विकेटले पराजित गर्दै नेपाल सेमिफाइनलमा प्रवेश गरेको छ।

कतारले दिएको ७५ रनको लक्ष्य नेपालले १० ओभर ३ बलमा नै पुरा गरेको हो। नेपालका लागि काजल श्रेष्ठले सर्वाधिक ३२ रन बनाइन्। यस्तै सीता राना मगरले १७ र इन्दु बर्माले नट आउट २० रन जोडिन्। इन्दुले १२ बलमा २० रन बनाइन्। सीताले २३ मा १७ रन र कविताले २८ बल खेल्दै ३२ रन बनाएकी हुन्।

यसअघि नेपालले पहिलो खेलमा मलेसियालाई ५ रन, बहराइनलाई १० विकेट र भुटानलाई ३ विकेटले हराएको थियो।

नेपालले अब समूहको अन्तिम खेलमा बुधबार यूएईसँग खेल्नेछ।