साफ १६ वर्षमुनीको च्याम्पियनसीप फुटबलमा नेपाल र भारत प्रतिस्पर्धा गर्दै

काठमाडौँ। आज साफ १६ वर्षमुनीको च्याम्पियनसीप फुटबलमा नेपाल र साबिक विजेता भारत खेल्दैछन्। भुटानको थिम्पुमा हुने यो खेल नेपाली समय अनुसार दिउँसो पौने ३ बजे शुरु हुनेछ।

नेपाल, भारत र बंगलादेश तीन टोली सम्मिलित समूह ‘ए’ को पहिलो खेलमा नेपाल बंगलादेशसँग १–० गोलले पराजित भएको थियो भने बंगलादेश भारतसँग १–० गोलले नै हारेको थियो। त्यसैले समूह चरण पार गर्न नेपालले आज भारतलाई जित्नैपर्ने दबाब छ।

भारतसँग बराबरी वा हार ब्यहोरे नेपाल समूह चरणबाटै बाहिरिनेछ। नेपालले भारतलाई हराए तीनवटै टोलीको समान ३ अंक हुनेछ र यस्तोमा ‘हेड टु हेड’ र गोलअन्तर निर्णायक बन्नेछ।