Techie IT
२०८२ भदौ २७, शुक्रबार
NepaliPatra logo
गृहपृष्ठखेलश्रीलंकालाई ४१ रनले हराउँदै भारत एसिया कपको फाइनलमा

श्रीलंकालाई ४१ रनले हराउँदै भारत एसिया कपको फाइनलमा


एजेन्सी । भारत एसिया कप २०२३ को फाइनलमा प्रवेश गरेको छ । भारतले आफ्नो दोस्रो सुपर–४ खेलमा साविक विजेता श्रीलंकालाई ४१ रनले पराजित गर्दै एक खेल अगावै फाइनलमा स्थान बनाएको हो ।

२१४ रनको लक्ष्य पछ्याएको श्रीलंकाको टोलीको सुरुवात खराब रह्यो । टोलीले तेस्रो ओभरमा पथुम निसाङ्का (६ रन)को विकेट गुमाएको थियो ।

कुसल मेन्डिस (१५ रन)ले इनिङ्स सम्हाल्ने प्रयास गरे तर उनी पनि ७ औं ओभरमा बुमराहको शिकार बने । ८ औं ओभरमा मोहम्मद सिराजले दिमुथ करुणारत्ने (२ रन)लाई पेभिलियन पठाए । श्रीलंकाले पहिलो १० ओभरमा ३९ रन बनाएर ३ विकेट गुमाएको थियो ।

त्यसअघि भारत ४९.१ ओभरमा २१३ रन बनाएर अलआउट भयो । एकदिवसीय इतिहासमा पहिलो पटक, टोलीले स्पिनरहरूविरुद्ध सबै १० विकेट गुमायो । श्रीलंकाका बायाँ हाते स्पिनर डुनिथ भेलालागेले ५ विकेट लिए भने अफ स्पिनर चारिथ असालान्काले ४ विकेट लिए । मिस्ट्री स्पिनर महिश तिक्षणाले एक विकेट लिए ।

भारतीय कप्तान रोहित शर्माले सर्वाधिक ५३ रन बनाए । रोहितले आफ्नो एकदिवसीय करियरको ५१ औं अर्धशतक बनाएका थिए । उनले एकदिवसीयमा १० हजार रन पनि पूरा गरेका छन् । रोहितका अलावा केएल राहुलले ३९ रन र विकेटकिपर इशान किशनले ३३ रनको योगदान दिए । अक्षर र सिराजले अन्तिम विकेटका लागि २६ रनको साझेदारी गरे ।

भारत र श्रीलंकाको खेल वर्षाका कारण रोकिएको थियो । साँझ ६ बजेर ४० मिनेटमा पानी परेपछि भारतीय इनिङ्समा ४७ ओभर बलिङ गरिएको थियो र खेल रोकिनुपरेको थियो । केही समयपछि पानी रोकिएपछि खेल फेरि ७ः३० बजे सुरु भयो । तर, अम्पायरहरूले ओभर न काट्ने निर्णय गरे र इनिङ्सको ब्रेक टाइम १० मिनेटमा घटाए ।

शीर्ष क्रम पेभिलियन फर्किएपछि विकेटकिपर केएल राहुल र इशानले भारतको इनिङ्सलाई सम्हालेका थिए । दुवैले सावधानीपूर्वक ब्याटिङ गर्दै टोलीको स्कोर १०० बाट १५० मा पुर्याएका थिए । राहुल ४४ बलमा ३९ रन बनाएर आउट भए र दुवैबीचको अर्धशतकीय साझेदारी टुट्यो । राहुल र इशानले ८९ बलमा ६३ रनको साझेदारी गरे । राहुलपछि इशान किशन पनि ६१ बलमा ३३ रन बनाएर चरित असलंकाको शिकार बने ।

भारतीय कप्तान रोहित शर्मा र शुभमन गिलले ६७ बलमा ८० रनको ओपनिङ साझेदारी गरे । यो साझेदारी डुनिट भेलालागेले गिललाई बोल्ड गरेर तोडेका थिए ।

भारतले अब शुक्रबार बंगलादेशसँग तथा श्रीलंकाले बिहीबार पाकिस्तानसँग प्रतिस्पर्धा गर्नेछ । पाकिस्तान र श्रीलंकाबीचको खेल रोचक बन्ने भएको छ । उक्त खेलको विजेता टोली नै फाइनलमा पुग्नेछ ।

 




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

टप एन्ड टि–२० सिरिजमा नेपालको लगातार दोस्रो जित

काठमाडौं । नेपालले टप एन्ड टि–ट्वान्टी सिरिजमा लगातार दोस्रो जित निकालेको छ । सोमपाल कामीको सानदार बलिङमा नेपालले बुधबार मेलबर्न

ऐन, कानून, नियमविपरीत विज्ञापन नगर्न क्यानलाई विज्ञापन बोर्डद्वारा सचेत

काठमाडाैँ । विज्ञापन बोर्डले प्रचलित ऐन, कानून, नियमविपरीत विज्ञापन नगर्न नेपाल क्रिकेट सङ्घ (क्यान)लाई सचेत गराएको छ । क्यानले गएको

डुरान्ड कप : त्रिभुवन आर्मी समूह चरणबाटै बाहिरियो

काठमाडौं । त्रिभुवन आर्मी फुटबल क्लब भारतमा भइरहेको डुरान्ड कपको समूह चरणबाटै बाहिरिएको छ । जमशेदपुरको जेआरडी स्पोर्टस कम्प्लेक्स मंगलबार

‘फिफा फुटबल फर स्कुल’ कार्यक्रमको शुभारम्भ

काठमाडौं । प्रधानमन्त्री के.पी. शर्मा ओलीले खेल क्षेत्रको विकासमा सरकारले बिशेष प्राथमिकता दिएको बताएका छन् । अखिल नेपाल फुटबल संघ

नेपाल र कुवेतले वार्षिक द्विपक्षीय क्रिकेट शृङ्खला खेल्ने

काठमाडाैँ । नेपाल क्रिकेट सङ्घ (क्यान) र कुवेत क्रिकेट बोर्ड बीच क्रिकेटलाई अगाडि बढाउन द्विपक्षीय शृङखला आयोजना गर्न सहमति भएकाे

नेपाललाई हराउँदै बङ्गलादेशले जित्यो २० वर्षमुनिको महिला साफ च्याम्पियनशिप

काठमाडाैँ । बङ्गलादेशले २० वर्षमुनिको महिला साफ च्याम्पियनशिप जितेको छ । अन्तिम खेलमा हिजो नेपाललाई ४–० गोलले हराउँदै बङ्गलादेश पाँचौं

Techie IT