बार्सिलोनाको सानदार जित

एजेन्सी । स्पेनिस फुटबल लिग ला लिगा अन्तर्गत बार्सिलोनाले सहज जित निकालेको छ । गएराति भएको खेलमा बार्सिलोनाले रियल बेटिसलाई ५–० गोलले पराजित गरेको हो ।

घरेलु मैदान क्याम्प नोउमा बार्सिलोनालाई फराकिलो जित दिलाउन जोआओ फेलिक्स, रोबर्ट लेवान्डोस्की, फेरान टोरेस, राफिन्हा र जोआओ कान्सेलोले एक–एक गोल गरे ।

जितसँगै बार्सिलोना ५ खेलबाट १३ अंकका साथ शीर्षस्थानमा उक्लिएको छ । समान खेलबाट बेटिस ७ अंकका साथ नवौं स्थानमा छ ।