सेरिया ए: लिग लिडर इन्टर मिलान पराजित

एजेन्सी । गएराति भएको इटालियन लिग सेरिया ए मा लिग लिडर इन्टर मिलानलाई ससुओलोले २-१ गोलले पराजित गर्न सफल भएको छ । इन्टर मिलान आफ्नै घरेलु मैदानमा पराजित भएको हो ।

पाँच खेलमा अपराजित रहेको इन्टरलाई ससुओलोले पराजित गरेको हो ।

खेलमा एक गोलको अग्रता बनाएको इन्टरविरुद्ध ससुओलोले कमव्याक गर्दै दुई गोल फर्काउन सफल रह्यो । ससुओलोका लागि बजरामी र बेरार्दीले एकएक गोल गरे ।

इन्टरका लागि एकमात्र गोल डमफ्राइजले गरे । योसँगै ससुओलोको ६ खेलमा ९ अंक भएको छ । लिगको शिर्ष स्थानमा रहेको इन्टरको १५ अंक रहेको छ ।