एजेन्सी । विश्वकप क्रिकेट खेल्न पाकिस्तानी क्रिकेट टोली भारतको हैदरावाद पुगेको छ । पाकिस्तानी टिम भारतमा आगामी १५ दिन बस्ने छ ।
एकदिवसीय विश्वकप अक्टोबर ५ बाट सुरु हुने छ भने पाकिस्तानले आफ्नो पहिलो अभ्यास खेल सेप्टेम्बर २९ मा खेल्ने छ ।
बुधबार साँझ कप्तान बाबर आजमको नेतृत्वमा पाकिस्तानी टोली हैदरावाद विमानस्थलमा अवतरण गरेको थियो, जहाँ उनीहरुलाई स्वागत गरिएको थियो।
यस अवधिमा विमानस्थलमा निकै कडा सुरक्षा व्यवस्था गरिएको थियो ।
क्रिकेट खेल्न पाकिस्तानी टोली सात वर्षपछि भारत आएको हो ।
यसअघि पाकिस्तानको टोली २०१६ को टी–२० विश्वकपका लागि भारत आएको थियो ।
पाकिस्तानी खेलाडीलाई भारतीय शैलीमा स्वागत गरिएको थियो, जसमा खेलाडीहरुलाई भगवा रंगको शाल लगाएर स्वागत गरिएको थियो ।
