चेल्सीद्वारा मौरिसियो पोचेटिनोलाई मुख्य प्रशिक्षकमा नियुक्त

एजेन्सी । हालै सकिएको प्रिमियर लिगमा झुर खेल प्रदर्शन गरेको चेल्सीले मौरिसियो पोचेटिनोलाई मुख्य प्रशिक्षकमा नियुक्त गरेको छ । उनले चेल्सीसँग दुई वर्षको सम्झौता गरेका छन् । मुख्य प्रशिक्षकमा नियुक्त भएका उनले क्लबलाई सफलताको बाटोमा लैजाने अपेक्षा गरिएको छ ।

पीएसजी र टोटेनहमका पूर्व प्रशिक्षक समेत रहेका उनले चेल्सीलाई पुनः लयमा फर्काउन सक्ने अनुमान गरिएको छ ।

यस सिजनमात्रै चेल्सीले दुई जना प्रशिक्षक बर्खास्त गरेको थियो । थोमस टुकेललाई बर्खास्त गरेर ग्राहम पोटरलाई चेल्सीले मुख्य प्रशिक्षकमा नियुक्त गरेको थियो ।

पछि उनलाई समेत बर्खास्त गरेर क्लबले प्रशिक्षक फ्रांक लाम्पार्डलाई अन्तरिम प्रशिक्षक बनाएको थियो । यस सिजन चेल्सीले लिगको १२ औँ स्थानमा चित्त बुझाएको छ ।