रियलको सानदार जित

एजेन्सी । स्पेनिस फुटबल लिग ला लिगा अन्तर्गत रियल मड्रिडले सानदार जित निकालेको छ । गएराति भएको खेलमा रियलले घरेलु मैदानमा ओसासुनामाथि एकपक्षीय ४–० गोलको जित निकालेको हो ।

रियललाई फराकिलो जित दिलाउन जुड बेलिङहमले दुई गोल गरे भने भिनिसियस जुनियर र होसेलुले एक–एक गोल थपे ।

खेलको ९ औं मिनेटमा नै बेलिङहमले गोल गर्दै रियललाई सुरुवाती अग्रता दिलाएका थिए । ५४ औं मिनेटमा उनले अर्को गोल थप्दै रियलको अग्रता दोब्बर पारे । ६५ औं मिनेटमा भिनिसियसले गोल गर्दै रियललाई ३–० गोलले अघि बढाए । यस्र्तै ७० औं मिनेटमा होसेलुले गोल गर्दै रियललाई ४–० को जित दिलाए ।

जितसँगै रियल ९ खेलबाट २४ अंकका साथ शीर्षस्थानमा यथावत छ । समान खेलबाट १० अंक रहेको ओसासुना १० औं स्थानमा छ ।