एजेन्सी । इंग्लिस प्रिमियर लिग फुटबल अन्तर्गत वेस्टहाम युनाइटेड र न्युक्यासल युनाइटेडले बराबरी खेलेका छन् ।
गएराति भएको वेस्टहाम युनाइटेडको लण्डन स्टेडियममा दुबै टिमले २–२ गोलको बराबरी खेल्दै अंक बाँडेका हुन् । खेलको आठौं मिनेटमा नै टोमस सोउसेकले गोल गर्दै घरेलु टोली वेस्टहामलाई सुरुवाती अग्रता दिलाएका थिए ।
तर, ५७ औं मिनेटमा अलेक्जान्डर इसाकले गोल गर्दै न्युक्याललाई १–१ गोलको बराबरीमा ल्याए । ६२ औं मिनेटमा इसाकले नै व्यक्तिगत तथा टोलीका लागि दोस्रो गोल गर्दै न्युक्यासललाई २–१ गोलले अघि बढाए ।
यता, ८९ औं मिनेटमा मोहम्मद कुडुसले गोल गर्दै वेस्टहामलाई २–२ गोलको बराबरीसहित हारबाट जोगाए ।
यो नतिजासँगै वेस्टहाम ८ खेलबाट १४ अंकका साथ तालिकाको सातौं स्थानमा छ भने न्युक्यासल समान खेलबाट १३ अंकका साथ आठौं स्थानमा छ ।
