एसीसी यू–१९ प्रिमियर कपः नेपालले इरानलाई २७४ रनले हरायो

काठमाडौँ। एसीसी यू–१९ प्रिमियर कपको पहिलो खेलमा नेपालले इरानविरुद्ध फराकिलो जित निकालेको छ। नेपालले २७४ रनको फराकिलो जित निकालेको हो।

बिहीबार मलेसियाको बांगीमा सम्पन्न खेलमा नेपालले प्रस्तुत गरेको ३५४ रनको लक्ष्य पछ्याएको इरान ३०.५ ओभरमा ७९ रनमै समेटिएको थियो।

नेपालका लागि सुवास भण्डारी र दिपक कँडेलले तीन तीन विकेट लिए। भण्डारीले ८ दशमलव ५ ओभर बलिङ गर्दै जम्मा ६ रन दिए भने ७ ओभर बलिङ गरेका कँडेलले ४ रन मात्रै दिएका थिए।

यस्तै, ७ ओभरमा १९ रन खर्चिएर हेमन्त धामीले २ र ३ ओभरमा २७ रन खर्चिएर आकाश चन्दले २ विकेट लिएका थिए।