लाओसलाई हराउँदै नेपाल दोस्रो चरणमा प्रवेश

काठमाडौं । नेपालले विश्वकप फुटबलको एसिया छनोटको दोस्रो चरणमा स्थान बनाएको छ ।

मंगलबार दोस्रो लेगको खेलमा घरेलु टोली लाओसलाई १–० गोल अन्तरले हराउँदै नेपाल समग्रमा २–१ को नतिजा सहित दोस्रो चरण प्रवेश गरेको हो ।

नेपालको जितमा मनिष डाँगीले विजयी गोल गरे । अन्जन विष्टको पासलाई सदुपयोग गर्दै मनिषले खेलको ५३ औं मिनेटमा गोल गरेका हुन् ।

यसअघि काठमाडौंको त्रिपुरेश्वरस्थित दशरथ रंगशालामा भएको पहिलो लेग १–१ गोलको बराबरीमा सकिएको थियो ।