युएईले नेपाललाई दियो १४१ रनको लक्ष्य

काठमाडौँ। त्रिदेशीय टी– २० सिरिजअन्तर्गत शृङ्खलाको पहिलो खेलमा यूएईले नेपाललाई नेपाललाई १४१ रनको लक्ष्य दिएको छ।

मुलपानी मैदानमा नेपालले टस जितेर बलिङ रोजेपछि पहिले ब्याटिङ गरेको युएईले २० ओभरमा ७ विकेटको क्षतिमा १४० रन जोडेको हो।

युएईका लागि बासिल हमीदले अर्धशतक प्रहार गरे। उनले १ चौका र ४ छक्का प्रहार गरेर ५१ रन जोडे।

यस्तै, अली नासीरले ३२ रन जोडे। ५२–४ को अवस्थाबाट यी दुईले पाँचौँ विकेटका लागि ५६ रनको साझेदारी गरे। कप्तान मुहम्मद वसिमले १७ र आसिफ खानले १५ रन बनाए।

बलिङमा नेपालका करण केसीले ३ विकेट लिए। उनले ४ ओभरमा १९ रन खर्चिए। यस्तै गुल्सन झाले २ विकेट लिए। उनले ३ ओभरमा ११ रन खर्चिए। अभिनास र सोमपाल कामीले १–१ विकेट लिन सफल भए।