म्यान्चेस्टर युनाइटेडले शेफिल्डलाई हरायो

एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले जित निकालेको छ । गएराति भएको खेलमा म्यान्चेस्टर युनाइटेडले शेफिल्ड युनाइटेडलाई उसकै मैदानमा २-१ गोलले पराजित गरेको हो ।

म्यान्चेस्टरलाई जित दिलाउन खेलको २८ औं मिनेटमा स्कट टोमिनेले तथा ७७ औं मिनेटमा डिओगो डालोटले गोल गरे । यता, ३४ औं मिनेटमा पेनाल्टीमा गोल गरेका वली बर्नीको गोल शेफिल्डका लागि सान्त्वना गोल रह्यो ।

यो नतिजासँगै म्यान्चेस्टर युनाइटेड ९ खेलबाट १५ अंकका साथ तालिकाको ८ औं स्थानमा छ । शेफिल्ड ९ खेलबाटै १ अंकका साथ तालिकाको पुछार (२०)मा छ ।