१७ वर्षीय मार्कको निर्णायक गोलमा बार्सिलोना विजयी

एजेन्सी । स्पेनिस फुटबल लिग ला लिगा अन्तर्गत बार्सिलोनाले संघर्षपूर्ण जित निकालेको छ । गएराति भएको खेलमा बार्सिलोनाले एथ्लेटिक विल्वाओलाई १-० गोलले पराजित गरेको हो ।

घरेलु मैदान क्याम्प नोउमा बार्सिलोनालाई जित दिलाउन एकमात्र निर्णायक गोल खेलको ८० औं मिनेटमा मार्क गुइउले गरे । १७ वर्षीय मार्कले जोआओ फेलिक्सको पासमा गोल गरेका हुन् । उनको यो सिनियर क्लबका लागि पहिलो हो ।

साथै उनी डेब्यु खेलमै गोल गर्न सफल भए त्यो पनि टोलीका लागि निर्णायक गोल गरे । यो नतिजासँगै १० खेलबाट बार्सिलोना २४ अंकका साथ तालिकाको तेस्रो स्थानमा छ । विल्वाओ समान खेलबाट १७ अंकका साथ छैटौं स्थानमा छ ।