नेपाललाई यूएईले १६५ रनको लक्ष्य दियाे

काठमाडौँ । त्रिकोणात्मक टी २० शृङ्खलामा नेपाललाई यूएईले १६५ रनको लक्ष्य दिएको छ ।

यूएईले ७ विकेट गुमाउँदै १६४ रन बनाएको हो ।

यूएईका लागि वृत्य अरविन्द र बासिल हमीदले उत्कृष्ट खेल प्रदर्शन गरे । उनीहरुले समान ४५-४५ रन बनाउन सफल भए । आसिफ खानले १८ रन जोड्न सफल भए भने खालिद शाहले १२ रन, अलिशान शराफु ९ रन, अल नासिर ९ रन र मोहम्मद वासिम ८ रन बनाउन सफल भए ।

त्यस्तै निलान्स केश्वानी ८ रन जोडे भने अकिफ राजा ५ रन बनाए ।

नेपालका सोमपाल कामी र अविनाश बोहोराले दुईदुई विकेट लिन सफल । करण केसी र गुल्शन झाले एकएक विकेट लिन सफल भए ।