आइसीसी विश्वकप २०२३ः पाकिस्तानको लगातार चौथो हार

एजेन्सी । दक्षिण अफ्रिकाले विश्वकप २०२३ मा पाँचौं जित दर्ता गरेको छ । चेन्नईमा भएको रोमाञ्चक खेलमा दक्षिण अफ्रिकाले पाकिस्तानलाई १ विकेटले पराजित गरेको हो ।

विश्वकपमा पाकिस्तानको यो लगातार चौथो हार हो । यस खेलमा पाकिस्तानले पहिले ब्याटिङ गरेपनि टोलीले २७० रन मात्र बनाउन सक्यो । दक्षिण अफ्रिकाका लागि तबरेज शम्सीले ४ विकेट लिए ।

जवाफमा एडेन मार्करामले दक्षिण अफ्रिकालाई जितको नजिक पुर्याए पनि पाकिस्तानले बलियो पुनरागमन गर्दै खेललाई कठिन बनाएको थियो।

अन्त्यमा केशव महाराजले २१ बलमा ७ रनको अविजित इनिङ खेल्दै टोलीलाई यादगार जित दिलाए ।