नेदरल्याण्ड्सद्वारा बंगलादेश ८७ रनले पराजित

एजेन्सी । विश्वकप–२०२३ को २८ औँ खेलमा नेदरल्याण्ड्सले बंगलादेशलाई ८७ रनले पराजित गरेको छ । कोलकाताको इडेन गार्डेनमा भएको खेलमा नेदरल्याण्ड्सले पहिले ब्याटिङ गर्दै निर्धारित ५० ओभरमा २२९ रन बनाएको थियो ।

जवाफमा बंगलादेशले ४२.२ ओभरमा १४२ रन मात्रै बनाउन सक्यो ।

प्रतियोगितामा नेदरल्याण्ड्सको यो दोस्रो जित हो।

यसअघि नेदरल्याण्डले दक्षिण अफ्रिकालाई हराएको थियो । यो हारसँगै बंगलादेश सेमिफाइनलको दौडबाट बाहिरिएको छ ।