काठमाडौँ । आजदेखि काठमाडौंमा आइसीसी विश्वकप छनोट क्रिकेट सुरु हुँदैछ । आइसीसी विश्वकप छनोट क्रिकेटमा नेपालसहित ८ राष्ट्र प्रतिस्पर्धा गर्दैछन् ।
आज पहिलो दिन ४ वटा खेल हुँदैछन् ।
नेपालले त्रिवि क्रिकेट मैदान कीर्तिपुरमा सिंगापुरसँग प्रतिस्पर्धा गर्दैछ ।
त्यस्तै मूलपानी क्रिकेट मैदानमा बहराइनले युएईको सामना गर्दैछ ।
दिउँसो १ बजे कीर्तिपुरमा मलेसियाले ओमानसँग भिड्दैछ भने उता मूलपानीमा हङकङ र कुवेतबीच प्रतिस्पर्धा हुनेछ ।
दुई समूहबाट दुई दुई टोलीले सेमिफाइनलमा स्थान बनाउनेछन् ।
त्यस्तै फाइनलमा पुग्ने दुई टोलीले अर्को वर्ष वेस्टइन्डिजमा आयोजना हुने टी २० विश्वकपमा लागि स्थान सुरक्षित गर्नेछन् ।
नेपाल, सिंगापुर, ओमान र मलेसिया एउटा समुहमा रहेका छन् भने अर्को समूहमा युएई, बहराइन, हङकङ र कुवेत रहेका छन् ।
