हङकङमाथि बहराइनको शानदार जित

काठमाडौँ। टी– २० विश्वकप एसिया छनोटअन्तर्गत समूह ‘बी’ को दोस्रो खेलमा बहराइनले हङकङमाथि शानदार जित हात पारेको छ।

मुलपानी क्रिकेट मैदानमा मंगलबार भएको खेलमा बहराइनले हङकङलाई २० रनले पराजित गरेको हो।

बहराइनले दिएको १४७ रनको लक्ष्य पछाएको हङकङ १९.१ ओभरमा १२६ रन बनाएर अलआउट भयो। यसअघि पहिला ब्याटिंग गरेको बहराइन पनि १९.३ ओभरमा १४६ रन बनाएर अल आउट भएको थियो।

बहराइनको जितसँगै समुह बी को अंक तालिका रोचक बनेको छ। जसमा बहराइन र हङकङको २–२ खेलमा २–२ अंक भएको छ भने सेमिफाइनलमा दुवैको सम्भावना रहेको छ। त्यस्तै पहिलो खेल जितेर २ अंक हासिल गरको युएईले आज कुवेतसँग खेल्दै छ।

समुह बि को समुह चरणको अन्तिम खेलमा युएई र हङकङ तथा बहराइन र कुवेत खेल्ने छन्।