प्रिमियर लिगः टोटनहमलाई नमिठो झट्का, उल्भ्स विजयी

एजेन्सी । गएराति भएको प्रिमियर लिगमा टोटनहमलाई उल्भ्सले सानदार कमव्याक गर्दै २-१ गोलले पराजित गरेको छ ।

खेलको तेस्रो मिनेटमा नै जोनसनले गोल गर्दै टोटनहमलाई अग्रता दिलाएका थिए ।

तर, खेलको अन्तिम ६ मिनेटमा उल्भ्सले दुई गोल फर्काउन सफल भएको थियो ।

उल्भ्सका लागि साराबिया र लेमिनाले एकएक गोल गरे ।

योहारसँगै टोटनहम शिर्ष स्थानमा उक्लिन असफल भएको छ । लिगको तेस्रो स्थानमा रहेको टोटनहमको १२ खेलबाट २६ अंक भएको छ । उल्भ्स १५ अंकका साथ लिगको ११ औँ स्थानमा रहेको छ ।