आईसीसी एकदिवसीय विश्वकप: भारतको अपराजित यात्रा कायमै, नेदरल्यान्ड्स पराजित

एजेन्सी । टीम इन्डियाले विश्वकप २०२३ को लिग चरणमा आफ्नो उत्कृष्ट प्रदर्शन जारी राख्यो र सबै ९ खेल जित्यो। आफ्नो अन्तिम लिग खेलमा टीम इन्डियाले नेदरल्यान्ड्सलाई बेंगलुरुमा १६० रनले हराएको छ।

भारतीय टोलीले निर्धारित ५० ओभरमा ४१० रनको लक्ष्य दिएको थियो । जवाफमा नेदरल्याण्डको टोली २५० रन मात्र बनाउन सक्यो ।

टीम इन्डियाले प्रतियोगिताका हरेक खेल सजिलै जितेर सेमिफाइनलमा प्रवेश गरेको छ ।

अब टीम इण्डियाले सेमिफाइनलमा न्यूजिल्याण्डको सामना गर्नेछ।

गत विश्वकपमा सेमिफाइनलमा भारतलाई पराजित गर्दै न्यूजिल्याण्डले फाइनलको यात्रा तय गरेको थियो ।