नेपाल हङकङसँग ९ विकेटले पराजित

काठमाढौँ । चार देश सम्मिलित टि २० शृङ्खलाअन्तर्गत नेपाल हङकङसँग ९ विकेटले पराजित भएको छ । नेपालले दिएको ५७ रनको लक्ष्य हङकङले नौ ओभरमै एक विकेट गुमाउँदै पूरा गर्न सफल भयो ।

अर्को चरणमा पुग्न नेपाललाई जित्नै पर्ने दबाब रहेको थियो । हारसँगै नेपालको फाइन खेल्ने सपना समाप्त भएको छ ।

नेपाललाई पराजित गरेसँगै लगातार दुई जित निकालेको हङकङ भने प्रतियोगिताको फाइनलमा पुग्न सफल भएको छ ।

त्यस्तै समान दुई जित निकालेको तान्जेनिया पनि फाइनलमा पुगेको छ ।

हङकङको जितमा नताशा मिलेसले सर्वाधिक ३० रनको योगदान दिइन् ।शानजिन शहजादले २० रन जोडिन्। मारिको हिलले ५ रन बनाइन् ।

त्यसअघि टस जितेर पहिला ब्याटिङ गरेको नेपाल १८ ओभरमा सबै विकेट गुमाउँदै ५६ रनको योगफल बनाएको थियो ।