नेपाल सुपर लिगमा आज धनगढी र वीरगञ्जबीच प्रतिस्पर्धा

काठमाडौँ । नेपाल सुपर लिग (एनएसएल) २०२३ अन्तर्गत आज आइतबार एक मात्र खेल हुँदै छ ।

आजको खेलमा साबिक उपविजेता धनगढी एफसीले नवप्रवेशी वीरगञ्ज युनाइटेडसँग प्रतिस्पर्धा गर्दैछ । खेल त्रिपुरेश्वरस्थित दशरथ रङ्गशालामा साँझ साढे ५ बजे सुरु हुनेछ ।

दुबै टोली सुखद् सुरुवात गर्न चाहन्छन् । यसअघि हिजो शनिबार भएको खेलमा ललितपुर सिटी एफसीले बुटवल लुम्बिनी फुटबल क्लबलाई २–० गोल अन्तरले तथा पोखरा थन्डर्सले एफसी चितवनलाई १–० गोलअन्तरले हराएको थियो ।