नेपाल सुपर लिग: इलामले झापालाई १–० गोलले हरायो

काठमाडौं । नेपाल सुपर लिग (एनएसएल) फुटबलमा स्पोर्टिङ इलाम एफसीले पहिलो जित निकालेको छ ।

आज सोमबार त्रिपुरेश्वको दशरथ रङ्गशालामा भएको खेलमा इलामले झापा एफसीलाई १–० गोलले पराजित गर्यो । खेलको पहिलो हाफ गोलरहित बराबरीमा सकिएको थियो ।

इलामको जितमा खेलको ८७ औँ मिनेटमा अमाथ एनडाले गोल गरे । यसअघि ८४ औँ मिनेटमा इलामले पाएको पेनाल्टीमा अमाथले प्रहार गरेको बल पोस्टभन्दा निकै माथिबाट बाहिरिन पुगेको थियो ।

इलाम यसअघि पहिलो खेलमा काठमाडौं रेजर्ससँग पराजित भएको थियो । झापाले भने हारबाट प्रतियोगिताको सुरुवात गरेको छ । भोलि मङ्गलबार एफसी चितवन र काठमाडौं रेजर्सबीच खेल हुँदैछ ।