लाइप्जिगमाथि म्यान्चेस्टर सिटीको रोमाञ्चक जित

एजेन्सी । च्याम्पियन्स लिग फुटबल अन्तर्गत इंग्लिस क्लब म्यान्चेस्टर सिटीले जित निकालेको छ ।

गएराति भएको समूह चरणको खेलमा सिटीले जर्मन क्लब आरबी लाइप्जिगलाई ३–२ गोलले पराजित गरेको हो । घरेलु मैदानमा सिटी पहिलो हाफमा २–० गोलले पछि परेको थियो ।

खेलको १३ औं र ३३ औं मिनेटमा लोइस ओपेन्डाले गोल गर्दै पाहुना टोलीलाई पहिलो हाफमा २–० को अग्रता दिलाएका थिए । तर, दोस्रो हाफमा सिटीले ३ गोल फर्कायो ।

५४ औं मिनेटमा एर्लिङ हालाण्ड, ७० औं मिनेटमा फिल फोडेन र ८७ औं मिनेटमा युलियन अल्भारेजले गोल गरे । ५ खेलमा ५ जित निकालेको सिटी नकआउट चरणमा प्रवेश गरिसकेको छ । लाइप्जिग पनि ९ अंकका साथ नकआउट चरणमा प्रवेश गरेको छ ।