नेपाल सुपर लिगः पोखरा र ललितपुर भिड्दै

काठमाडौँ । नेपाल सुपर लिग (एनएसएल) अन्तर्गत आज बुधबार पोखरा थन्डर्स र ललितपुर सिटी एफसीबीच खेल हुँदैछ ।

यी दुई टोलीबीचको खेल साँझ ५ः३० बजे त्रिपुरेश्वरस्थित दशरथ रंगशालामा हुनेछ । दुबै टोली दोस्रो जितको खोजीमा छन् ।

यसअघिको पहिलो खेलमा पोखराले एफसी चितवनलाई १–० ले तथा ललितपुरले बुटवल लुम्बिनी एफसलाई २–० ले हराएको थियो ।

प्रतियोगितामा एक खेलबाट समान तीन–तीन अंक जोडेका ललितपुर तालिकाको दोस्रो र पोखरा चौथो स्थानमा छन् ।