केपी ओली कप: उपाधिका लागि आर्मी र मधेश प्रदेश भिड्दै

पोखरा । पोखरामा जारी केपी ओली कप राष्ट्रिय टी–ट्वान्टी क्रिकेट प्रतियोगिताको उपाधिका लागि आज शुक्रबार आर्मी र मधेश प्रदेशबीच प्रतिस्पर्धा हुँदैछ ।

पोखरा क्रिकेट रंगशालामा हुने फाइनल खेल मध्यान्न साढे १२ बजे सुरु हुनेछ ।

पहिलो सेमिफाइनलमा बागमती प्रदेशलाई हराएर आर्मीले फाइनलमा स्थान बनाएको हो भने मधेशले अर्को विभागीय टिम एपीएफलाई पन्छाउँदै उपाधि भिडन्त पक्का गरेको थियो ।

मदन भण्डारी स्पोर्टस एकेडेमीको आयोजनामा भएको प्रतियोगिताको विजेता टिमले ५ लाख र उपविजेता टिमले २ लाख ५० हजार रुपैयाँसहित ट्रफी, मेडल तथा प्रमाणपत्र प्राप्त गर्नेछ ।