प्रिती र दीपाले ‘आई लिग’ खेल्ने

काठमाडौँ। नेपाली राष्ट्रिय महिला टिमका खेलाडीद्वय प्रिती राई र फरवार्ड दिपा शाहीले भारतमा व्यवसायिक फुटबल खेल्ने भएका हुन्। मिडफिल्डर राई र फरवार्ड शाहीले पहिलो पटक भारतमा व्यवसायिक फुटबल खेल्ने भएका हुन्।

प्रतियोगिता डिसेम्बर ८ बाट सुरु हुनेछ। प्रतियोगिताका लागि प्रिती र दिपा बिहीबार भारत प्रस्थान गर्नेछन्।

राई र शाहीसँगै यस संस्करणको आई लिगमा अनुबन्ध हुने नेपाली खेलाडीको संख्या चार पुगेको छ।

यसअघि गोलकिपर एञ्जिला तुम्बाप्पो सुब्बा र डिफेन्डर गीता राना सेथु एफसीमा आबद्ध भएका थिए।