नेपाल सुपर लिगः पुछारका दुई टोली झापा र वीरगञ्ज भिड्दै

काठमाडौँ । नेपाल सुपर लिग (एनएसएल)मा आज शुक्रबार झापा एफसी र वीरगञ्ज युनाइटेड एफसीबीच प्रतिस्पर्धा हुँदैछ । खेल बेलुकी ५ बजे त्रिपुरेश्वरस्थित दशरथ रङ्गशालामा शुरु हुनेछ ।

झापा र वीरगञ्ज दुवै टोलीलाई प्लेअफमा पुग्ने सम्भावना कायम राख्न जित्नैपर्ने दबाब छ । दुवै नवप्रवेशी टोली प्रतियोगितामा जितविहीन छन् ।

झापा ३ खेलमा २ बराबरी र १ हारसहित २ अङ्क जोड्दै तालिकाको आठौँ स्थानमा छ । वीरगञ्ज समान खेलमा २ हार र १ बराबरीसँगै तालिकाको पुछारमा छ ।