अफगानिस्तानविरुद्ध टस जितेर पहिले फिल्डिङ गर्दै नेपाल

काठमाडौँ। एसीसी यू–१९ एसिया कप अन्तर्गत आजको खेलमा नेपालले अफगानिस्ताविरुद्ध पहिले फिल्डिङ गर्ने भएको छ। यूएईको आइसीसी एकेडेमी ओभल–२ मा नेपालले टस जितेर फिल्डिङ गर्ने निर्णय गरेका हुन्।

समूह ‘ए’ मा पहिलो खेलमा पराजित भएका दुवै टोली आज पहिलो जित निकाल्ने लक्ष्यमा छन्।

पहिलो खेलमा नेपाल पाकिस्तानसँग ७ विकेटले पराजित भएको थियो। यस्तै अफगानिस्तान पनि भारतसँग ७ विकेटले नै पराजित भएको थियो।

आजको खेलमा विजयी हुने टोली सेमिफाइनलमा सम्भावना कायम राख्ने छ भने पराजित हुने टोली समूहगत चरणबाटै बाहिरिने छ।