अफगानिस्तानले नेपाललाई दियो २६२ रनको लक्ष्य

काठमाडौँ। यू १९ एसिया कप अन्तर्गतको खेलमा अफगानिस्तानले नेपाललाई २६२ रनको लक्ष्य दिएको छ। यूएईको आइसीसी एकेडेमी ओभल–२ मा जारी खेलमा नेपालले सो लक्ष्य पाएको हो।

नेपालले टस जितेर फिल्डिङ रोजेपछि ब्याटिङ गरेको अफगानिस्तानले ४९.३ ओभरमा सबै विकेट गुमाएर २६१ रन बनाएको हो।

अफगानिस्तानका लागि जमशीद जद्रानले १०६ रनको सतकीय इनिङ खेले। यस्तै नुमान शाहले ६०, रहिमुल्लाह जुर्मतीले ३५ र वफीउल्लाह तराखिलले १५ रन बनाए।

बलिङतर्फ नेपालका लागि गुल्सन झा, हेमन्त धामी र सुभाष भण्डारीले २–२ विकेट लिए भने आकाश चन्द्र र दीपेश कडेलले १–१ विकेट लिए।