दक्षिण अफ्रिकाले जित्यो दोस्रो टी–२० सिरिज, भारत विरुद्ध १–० को अग्रता

एजेन्सी । आयोजक दक्षिण अफ्रिकाले भारतविरुद्धको टी–२० सिरिजको दोस्रो खेलमा ५ विकेटले जित हात पारेको छ ।

मंगलबार केबेराको सेन्ट जर्ज स्टेडियममा भएको खेलमा अफ्रिकी टोलीले डीएलएस पद्धतिमा १५ ओभरमा १५२ रनको संशोधित लक्ष्य पाएको थियो, जुन अफ्रिकी ब्याट्सम्यानले १३.५ ओभरमा ५ विकेट गुमाएर पूरा गर्‍यो ।

यसअघि टस हारेर पहिले ब्याटिङ गरेको भारतीय टोलीले १९.३ ओभरमा ७ विकेट गुमाएर १८० रन बनाएको थियो ।

यो जितसँगै दक्षिण अफ्रिकाले ३ खेलको सिरिजमा १–० को अग्रता बनाएको छ । पहिलो खेल वर्षाका कारण रद्द भएको थियो । सिरिजको तेस्रो खेल १४ डिसेम्बरमा जोहानेसबर्गमा हुनेछ ।