नेपाल सुपर लिगमा आज झापा र धनगढी खेल्दै

काठमाडौँ । नेपाल सुपर लिग (एनएसएल) फुटबलअन्तर्गत आज झापा एफसी र धनगढी एफसीबीच प्रतिस्पर्धा हुँदैछ । खेल त्रिपुरेश्वरस्थित दशरथ रंगशालामा साँझ ५ बजेबाट सुरु हुनेछ ।

धनगढी आजको खेलमा चौथो जितको खोजीमा हुनेछ । झापा भने दोस्रो जितको तयारीसहित मैदानमा उत्रिनेछ ।

आजको खेल जिते वा बराबरी गरेपनि धनगढीले शीर्ष चारमा स्थान पक्का गर्दै प्लेअफमा स्थान सुरक्षित गर्नेछ ।

लिगमा धनगढी १२ अंकका साथ दोस्रो स्थानमा छ । झापा सात अंकसहित पाँचौं स्थानमा छ ।