रियल मड्रिडले जित्यो स्पेनिस सुपर कपको उपाधि

काठमाडौँ । रियल मड्रिडले स्पेनिस सुपर कपको उपाधि जितेको छ । रियलले बार्सिलोनालाई ४–१ गोलले पराजित गर्दै उपाधि जितेको हो ।

फाइनलमा रियलका फरवार्ड भिनिसियस जुनियरले ह्याट्रिक पुरा गरे भने रोड्रिगोले एक गोल गरे । बार्सिलोनाका रोबर्ट लेवान्डोस्कीले एक गोल फर्काए ।

यसअघि रियलले सन् २०१९–२० र २०२१–२२ को सिजनमा उपाधि जितेको थियो । रियल २०२०–२१ मा सेमिफाइनलमा पराजित हुँदा गत संस्करणमा फाइनलमा पराजित भएको थियो ।

यो पटकको जितसँगै स्पेनिस सुपर कपमा रियलको उपाधि संख्या १३ पुगेको छ ।