Techie IT
२०८२ भदौ १५, आईतबार
NepaliPatra logo
गृहपृष्ठखेलप्रधानमन्त्री कप क्रिकेटमा कोशीमाथि बागमतीको सहज जित

प्रधानमन्त्री कप क्रिकेटमा कोशीमाथि बागमतीको सहज जित


काठमाडौँ । ओपनर आशुतोष घिरैयाको सतकप्रेरित बागमती प्रदेशले जारी प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा शुक्रबार कोशी प्रदेशमाथि जित निकाल्यो ।

बागमतीले कोसीमाथि ६४ रनको जित निकाल्दै जारी प्रतियोगितामा तेस्रो सफलता प्राप्त गरेको हो ।

कीर्तिपुरस्थित त्रिभुवन विश्वविद्यालय क्रिकेट मैदानमा बागमती दिएको दुई सय ७४ रनको लक्ष्य पछ्याएको कोशी ४७.१ ओभरमा दुई सय ९ रनमा अलआउटभयो । कप्तान अंकित सुवेदी र सुजन थपलियाले अर्धशतक बनाए पनि जित निकाल्न सकेनन् । अंकितले ५३ रन र सुजनले ५९ रनको योगदान दिए । अंकितले ६५ बलमा चार चौका र दुई छक्का प्रहार गरे । सुजनले ७६ बलमा चार चौका र तीन छक्का हिर्काए ।

आइस भट्टराई ३२ रनमा अविजित रहँदा ओपनर सोनु अन्सारीले २१ रन जोडे । त्यसबाहेक अन्य ब्याटर लामो समय क्रिजमा रहन सकेनन् । वागमतीको बलिङमा ईसान पाण्डले पाँच विकेट लिँदै कोशीको इनिङ धराशायी बनाए । सूर्य तामाङले दुई तथा रिजन ढकाल र प्रतिक श्रेष्ठले समान एक विकेट लिए । त्यसअघि टस हारेर ब्याटिङको निम्तो पाएको बागमतीले ४८.३ ओभरमा २७३ रनको योगफल बनाएको थियो । बागमतीका ओपनर आशुतोषले एक सय १८ रनको शतकीय योगदान गरे । १११ बलमा उनले १६ चौका र दुई छक्का प्रहार गरे ।

कप्तान रित गौतमले ४९ रन, रविन जोशीले ४३ रन र प्रतीक श्रेष्ठले १९ रन बनाए । दोस्रो विकेटका लागि आसुतोष र रितले एक सय ३१ रनको साझेदारी गरे । रितले ६० बलमा तीन चौका तथा रविनले ४५ बलमा तीन चौका र एक छक्का प्रहार गरे । कोशीको बलिङमा अभ्यास तिमिल्सिनाले तीन विकेट तथा हेमन्त राई र कमल खत्रीले समान दुई तथा फ्रिर्दोश अन्सारीले एक विकेट लिए । यो हारसँगै कोसीले जारी प्रतियोगितामा पाँच खेलको नतिजा सुम्पिन पुग्यो ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

टप एन्ड टि–२० सिरिजमा नेपालको लगातार दोस्रो जित

काठमाडौं । नेपालले टप एन्ड टि–ट्वान्टी सिरिजमा लगातार दोस्रो जित निकालेको छ । सोमपाल कामीको सानदार बलिङमा नेपालले बुधबार मेलबर्न

ऐन, कानून, नियमविपरीत विज्ञापन नगर्न क्यानलाई विज्ञापन बोर्डद्वारा सचेत

काठमाडाैँ । विज्ञापन बोर्डले प्रचलित ऐन, कानून, नियमविपरीत विज्ञापन नगर्न नेपाल क्रिकेट सङ्घ (क्यान)लाई सचेत गराएको छ । क्यानले गएको

डुरान्ड कप : त्रिभुवन आर्मी समूह चरणबाटै बाहिरियो

काठमाडौं । त्रिभुवन आर्मी फुटबल क्लब भारतमा भइरहेको डुरान्ड कपको समूह चरणबाटै बाहिरिएको छ । जमशेदपुरको जेआरडी स्पोर्टस कम्प्लेक्स मंगलबार

‘फिफा फुटबल फर स्कुल’ कार्यक्रमको शुभारम्भ

काठमाडौं । प्रधानमन्त्री के.पी. शर्मा ओलीले खेल क्षेत्रको विकासमा सरकारले बिशेष प्राथमिकता दिएको बताएका छन् । अखिल नेपाल फुटबल संघ

नेपाल र कुवेतले वार्षिक द्विपक्षीय क्रिकेट शृङ्खला खेल्ने

काठमाडाैँ । नेपाल क्रिकेट सङ्घ (क्यान) र कुवेत क्रिकेट बोर्ड बीच क्रिकेटलाई अगाडि बढाउन द्विपक्षीय शृङखला आयोजना गर्न सहमति भएकाे

नेपाललाई हराउँदै बङ्गलादेशले जित्यो २० वर्षमुनिको महिला साफ च्याम्पियनशिप

काठमाडाैँ । बङ्गलादेशले २० वर्षमुनिको महिला साफ च्याम्पियनशिप जितेको छ । अन्तिम खेलमा हिजो नेपाललाई ४–० गोलले हराउँदै बङ्गलादेश पाँचौं

Techie IT