मछिन्द्रलाई हराउँदै जावलाखेल आहा रारा गोल्डकपको क्वार्टरफाइनलमा

काठमाडौँ । मछिन्द्र क्लबलाई जावलाखेल युथ क्लबले पराजित गरेको छ । क्लब आहा रारा पोखरा गोल्डकप फुटबल प्रतियोगिता अन्तर्गत बिहीबार भएको खेलमा मछिन्द्रलाई जावलाखेलले १–० गोलले पराजित गरेको हो ।

खेलमो ३८ औं मिनेटमा जवलाखेलका हिसुब थपलियाले गरेको गोल नै निर्णायक बन्न पुग्यो । मछिन्द्रको कप्तानी सम्हालेका गोलकिपर विशाल श्रेष्ठ अगाडि बढ्दा थपलियाले गोल गरेका हुन् ।

जितसँगै जावलाखेल अन्तिम ८ मा प्रवेश गरेको छ ।