विराट गोल्डकपको उपाधि मच्छिन्द्र क्लबलाई

काठमाडौँ । विराट गोल्डकपको आठौँ संस्करणको उपाधि मच्छिन्द्र फुटबल क्लबले जितेको छ ।

विराटनगरको शहीद मैदानमा गएराति सम्पन्न फाइनलमा घरेलु टोली सांग्रिला मोरङ एफएलाई २–० गोलले हराउँदै मच्छिन्द्रले उपाधि जितेको हो ।

मच्छिन्द्रका छिरिङ गुरूङ र युसुप थपलियाले गोल गरे । उपाधिसँगै मच्छिन्द्रले ११ लाख रुपैयाँ प्राप्त गरेको छ । उपविजेता सांग्रिलाले पाँच लाख ५० हजार रुपैयाँ प्राप्त गर्यो ।