नेपालले जित्यो ‘एसएमएस फ्रेन्डसीप कप’ क्रिकेटको उपाधि

काठमाडौँ । नेपालले भारतमा आयोजित एसएमएस फ्रेन्डसीप कप क्रिकेटको उपाधि जितेको छ ।

आइतबार भएको फाइनलमा गुजरातलाई १८ रनले पराजित गर्दै नेपालले उपाधि जितेको हो । एक सय ७७ रनको लक्ष्य पाएको गुजरातले निर्धारित २० ओभरमा ८ विकेट गुमाएर एक सय ५८ रन मात्र जोड्न सक्यो।

नेपालका अविनाश बोहराले ३ र दीपेन्द्रसिंह ऐरीले २ विकेट लिए । प्रतियोगितामा नेपाल तथा भारतको बारोडा र गुजरात टोली सहभागी थिए ।

नेपाली टिम अब एसिसी प्रिमियर कप खेल्न ओमान प्रस्थान गर्नेछ ।